Kushatisisa kwehuwori

(VaRoma 1:26-27)

Huwori hwemweya nehuwori hwehunhu zvinoenderana.Huwori hwemweya kazhinji hunotevedzwa nehunhu hwakaipa. Vanhu pavanonamata zviumbwa kunze kwaMwari vachivaramba,Mwari vanovasiya kuzvido zvavo.Bhaibheri rinotaura nezve hungochani semufananidzo hwe kurasika muzvido zvakaipa.

1. Avo vanorwisana nemasikiro aMwari
Hungochani inzira “inopesana nemasikirwo ezvinhu  zvakaitwa na Mwari.”Mukuramba Mwari,munhu anoparadza nzira dzakanaka dzaMwari.Tarisai varume veSodhoma;kunyangwe pavakapofomadzwa vachida kubhinya vaenzi vaRhoti vechirume,vaingotsvaga musiwo neshungu vachida kubhinya vamwe varume kusvika vakaneta.Kukara kutadza kusvika moyo yatsva mukuda kutadza.Nyika inogona kuzvitsigira nenzira dzose,asi Mwari vanozvivenga.

2. Hakuna Hukuru Mukutadza
Zvirokwazvo,bhaibheri hariti hungochani bedzi ndihwo hwakaipa.Chihure,hudhakwa,ruvengo,humbavha ne avo vanopesanisa vanhu-hapana achapinda muhumambo hwaMwari.Huipi hwe avo vanoda kuparadza kereke kunyangwe vakawana nyasha,vanhu vanoparadza nemashoko avo vachiparadza kutodarika ngochani.Hakuna chivi chinokura kudarika chimwe.Kunze kwekuti munhu areurura akatendeuka vose vanhu vanotongwa zvakafanana.

3. Mhinduro yega kutendeuka
Ngochani dzinoregererwawo-dzikatendeuka.Hakuna munhu anozvarwa achiba,naizvozvo hakuna munhu akazvarirwa kunzi achava mutadzi.Tikapesana nechokwadi chaMwari,tisazvinyengera mukutadza asi ngatizvininipise pamberi pemuchinjoko.Mwari havadi kuti tiparare asi kuti tirarame tiri vanhu vatsvene vari muchokwadi.

Mutariri Sung-Hyun Kim