Vatenzi vari pasi paMwari

(VaEfeso 6:9)

Nyika ino inokurudzira kukakavara nekurwa.Asi vatendi vanorarama vachiziva kuti vane vatenzi kudenga.Vanovimba kuti Mwari vakarurama vachatonga zvinhu zvese pasina rusaruro,uye vano ramba vakatendeka kumabasa avanopiwa kuti vamaite zuva nezuva,izvi zvinoratidza kururama kwaMwari kuri mavari.

1. Ukama hwekuwirirana mukuzvininipisa
“Mushandi nhapwa,Vatenzi vakaipa”.Mafungiro akadai anokurudzirwa panyika pano.Asi chokwadi ndechekuti ungave uri muranda kana vatenzi,munhu wese anozvaano tarisirwa kuita.Vatenzi havasi munhu anongoshungurudza bedzi,asi munhu anotakura mutoro wemumwe munhu.Ukama hwakanaka pakati pavatenzi nemushandi wavo hune kuremekedzana.Vatenzi vanofanira kuita zvakanaka kumushandi wavo,iyewo mushandi achiitawo zvakanaka nekunzwisisa zvinodiwa nekutarisirwa navatenzi vake.

2. Avo vanoshandira Mambo mumwe chete.
Sezvinoita vanoteerera mambo wavo Kristu,vana vatenzi vanofanira kuitira varanda vavo zvakanaka.Vose varanda naana vatenzi vari pasi pehutongi hwa Ishe.Mabatiro nemafungiro aana vatenzi kuvaranda vavo anoratidza kuvanhu mabatiro anoita  Mwari wekudenga vanhu vavo.Kana vatenzi vakatadza kuzvidzora vakabata vashandi vavo zvakaipa,vashandi ivavo vanotadza kuvateerera nemoyo vachipera simba rekutsungirira.Vana vatenzi havafanire kukanganwa kuti simba ravainaro harigare nokusingaperi asi richazopera nenguva.

3. Ishe vanotonga zvakasananguka.
Nyika ino inoratidza kufara kana vari pamusoro vachisvora varipasi vachiratidzira nekudada nesimba ravo.Asi Mwari havatsaure vanhu.Dzimwe nguva zvigaro zvepanyika zvinogona kukanganisira munhu pazuva rekutongwa.Kunyangwe takasiyana papfuma umwe nemumwe achatongwa nemabasa ake.Kune uyo anoita zvakaipa,kuchange kune kuungudza nekutambudzika kukuru ,asi kune uyo anoita zvakanaka,achapiwa kubwinya ,ruremekedzo nerugare.

Mutariri Sung-Hyun Kim